PASAMBAHAN MAKAN.
Assalamualaikum Warahmatullahi Wabarakatuh.
Puji jo sukur pada Allah
Selawat tauntuak bagi Rasul
Salam tatimpo kepada kito nan basamo
Sambah tatunggang kapado, niniak mamak jo bundo kanduang saroto ibu jo bapo…
Adapon sambah nan ditimpokan kepada kito
Tumbuah sarupo iko kini
Edangan juadah nan ditangah
Nan talatak dihadapan kito
Namun samantangpun baitu lai nan tarigi nan takilan
Tarigi dalam hati takilan pado mato
Tantangan kadudukan kito nan basamo
Patuik diateh ko dibawah
Patuik ditangah kok ditapi
Tagak dek sosak dengan sampik
Dek alek undangan nan mandatang
Mooh ambo minta kepada kito nan basamo
Izin jo rela dari kito.
Limbak nan dari pado itu
Tantangan jamuan minum jo makan
Nan lah tasusun diruang tongah
Nan lah baririk sampai katapi
Nan lah taanta kahadapan kito nan basamo
Nak nyo sonang dalam hati
Nak nyo sampai niat jo nazar
Kok Nasi mintak dimakan
Aia minta diminum
Sakian sajo pasambahan
Pulang kapado kito nan basamo.
Tidak ada komentar:
Posting Komentar